വരവൂർ
ഗ്രാമ പഞ്ചായത്ത്

തൃശൂര്‍ ‍ജില്ലയില്‍ തലപ്പിള്ളി താലൂക്കില്‍ വടക്കാഞ്ചേരി ബ്ലോക്കിലാണ് വരവൂര്‍ ഗ്രാമപഞ്ചായത്ത് സ്ഥിതി ചെയ്യുന്നത്. വരവൂര്‍, പിലക്കാട്, തിച്ചൂര്‍ എന്നീ വില്ലേജുകളിലായി വ്യാപിച്ചുകിടക്കുന്ന വരവൂര്‍ ഗ്രാമപഞ്ചായത്തിന് 29.76 ചതുരശ്രകിലോമീറ്റര്‍ വിസ്തീര്‍ണ്ണമുണ്ട്. 16 വാര്‍ഡുകളുള്ള വരവൂര്‍ പഞ്ചായത്തിന്റെ അതിരുകള്‍ വടക്കുഭാഗത്ത് ദേശമംഗലം പഞ്ചായത്തും, തെക്കുഭാഗത്ത് എരുമപ്പെട്ടി പഞ്ചായത്തും, കിഴക്കുഭാഗത്ത് മുള്ളൂര്‍ക്കര, വള്ളത്തോള്‍നഗര്‍ പഞ്ചായത്തുകളും, പടിഞ്ഞാറുഭാഗത്ത് തിരുമിറ്റക്കോട്, എരുമപ്പെട്ടി പഞ്ചായത്തുമാണ്. വരവൂര്‍ ഗ്രാമപഞ്ചായത്ത് കിഴക്കുപടിഞ്ഞാറായി ദീര്‍ഘചതുരാകൃതിയില്‍ 29.76 ചതുരശ്രകിലോമീറ്റര്‍ വിസ്തൃതിയില്‍ സ്ഥിതി ചെയ്യുന്നു. ഈ പഞ്ചായത്തിന്റെ ആദ്യത്തെ പ്രസിഡണ്ട് ഒ.പി.മേനോന്‍ ആയിരുന്നു. പഞ്ചായത്തില്‍ എവിടെ നോക്കിയാലും ചെറിയ കുന്നുകളും, കുന്നിന്‍ചെരിവുകളും, സമതലപ്രദേശങ്ങളും, പച്ചപുതച്ച നെല്‍പ്പാടങ്ങളും...